Bir nömrəli hədəf: Daim artan strateji əzələ nümayişi oyununda fasiləyə nail olmaq…

ABŞ-ın Avropaya qüvvələr göndərəcəyi haqda xəbərdarlıq etdiyi, Rusiyanın isə Ukrayna sərhədləri yaxınlığında hərbi mövcudluğunu artırdığı bir vaxtda, Avropa ölkələri danışıqlar yolu ilə bütün tərəflərlə münaqişənin gərginliyini azaltmağa çalışır.

 

Moderator.az xəbər verir ki, Fransanın “Le Temps” nəşrinin redaksiya məqaləsində belə yazılır. Nəşrin bildirdiyinə görə, avropalı siyasətçilər diplomatik ixtiraçılıq nümayiş etdirərək böhranı yoluna qoymalı və Moskva ilə Vaşinqtona öz suverenliklərini qoruya biləcəklərini sübut etməlidirlər.

 

Ukrayna böhranı ilə bağlı bütün Avropa bəyanatlarında gərginliyin azaldılmasından danışılır, – deyə “Le Temps” nəşrinin Moskva müxbiri Rişar Uerli redaksiya məqaləsində qeyd edib. NATO Rumıniyaya və ya Polşaya bir neçə min əsgər göndərildiyini elan etməkdən məmnun olsa da, Rusiya böyük hərbi mövcudluğu ilə ABŞ kəşfiyyat agentlikləri tərəfindən ağılla işlənmiş işğal ssenarilərində marağını qoruyub saxlasa da, Avropa İttifaqının bir nömrəli hədəfi bu “daim artan strateji əzələ nümayişi oyununda fasiləyə nail olmaqdır.

 

Məhz gərginliyi azaltmaq üçün Emmanuel Makron bazar ertəsi saat beş radələrində Moskvada Vladimir Putinlə danışıqlar aparıb və çərşənbə axşamı Kiyevdə Vladimir Zelenski ilə söhbəti davam etdirib. Müəllif xatırladır ki, gərginliyin azaldılması bazar ertəsi Vaşinqtona, fevralın 14-ü və 15-də Ukrayna və Rusiyaya səfər edəcək Almaniya kansleri Olaf Şolts üçün də prioritet məsələdir.

 

“Beləliklə, son tarixlər indi maksimum aydındır: bu həftə avropalı diplomatlar öz fərasətlərini və bəlkə də müvəqqəti, lakin ən azı hər iki tərəf üçün etibarlı həll yolu tapmaq bacarığını nümayiş etdirməlidirlər. Həm Moskvada, həm də Vaşinqtonda hər iki tərəfin şahinləri yenə də bir-birini geri çəkilməyə məcbur etmək arzusunda olsalar belə, Fransa, Almaniya və digər Avropa ölkələrindən olan vasitəçilər yumsalma kimi qəbul oluna biləcək “konstruktiv ikililiyi” həyata keçirməyə çalışmalıdırlar, – deyə  məqalə müəllifi bildirir.

 

Müxbir yazır ki, Avropa İttifaqı nümayiş etdirməlidir ki, söhbət onun həyati maraqlarından getdikdə, Rusiya ilə münasibətlərdə NATO-nun hərbi məntiqindən kənar düşünmək və hərəkət etmək iqtidarındadır. Ukraynaya gəldikdə isə, Aİ əsl həmrəylik nümayiş etdirərək, ilk növbədə sonradan düzgün şəkildə icra edilmiş saziş çərçivəsində reallaşacaq və birlik ölkələrinin bu sazişə zamin durmağa razılıq verəcəyi davamlı sülh perspektivini yaratmalıdır.

 

Bu, üzv ölkələrin enerji zəifliklərindəki fərqlərə baxmayaraq, ən azı bu an üçün öz fikir ayrılıqlarını aradan qaldırmağı bacaran Avropa Birliyi üçün çətin, lakin real perspektivdir. “İndi diplomatlar baş qərargahlar, onların xəritə və batalyonlarından irəli keçməlidirlər”, deyə jurnalist əmindir. Diplomatik cəhətdən bacarıqlı Aİ böhranı öz prinsiplərinə ziyan vermədən yoluna qoymaqla həm Moskvada, həm də Vaşinqtonda Avropanı öz suverenliyini müdafiə etməkdə aciz hesab edənlərə ən yaxşı cavabını vermiş olardı. Putinin Makronu və Şoltsu qəbul etdiyi həftə bu məqsədə xidmət etməlidir, – deyə müəllif fikrini yekunlaşdırır.

 

Miraslan

Moderator.az

Əlaqədar Məqalələr

Bir cavab yazın

Sizin e-poçt ünvanınız dərc edilməyəcəkdir.

Back to top button