“O, Hacı Zeynalabdin Tağıyevə bərabər bir insandır…”

“Mübariz Mənsimov gözəl insandır, xeyriyyəçidir. Ehtiyacı olan insanlara kömək edən, Türkiyədə təhsil alan tələbələrimizin təhsil haqqını ödəyən bir insandır”

 

Bunu Moderator.az-a açıqlamasında tanınmış ictimai xadim, Tibb Universitetinin dosenti Rəşid Mahmudov deyib. R.Mahmudov iş adamı, xeyriyyəçi Mübariz Mənsimovu doğum günü münasibətilə təbrik edib:

 

“Mübariz bəyin doğum gününü təbrik edirəm. Allah ona can sağlığı versin. Hər dəfə eşidəndə ki, Türkiyədə təhsil alan tələbələrimizin təhsil haqqını ödəyəcək, ürəyim açılır. Ona yeni yaşında uğurlar, uzun ömür arzulayıram. Bir müddət həbsdə qaldı və buna görə çox narahat olduq. Allah eləsin bundan sonra bir daha başına belə iş gəlməsin. O, Hacı Zeynalabdin Tağıyevə bərabər bir insandır. Əsl müsəlmandır, kişidir”.    

 

Xatırladaq ki, Mübariz Mənsimov Türkiyədə təhsil alan azərbaycanlı tələbələrin təqaüdlə təmin olunmasını davam etdirəcək. Bu haqda məlumatı bu gün, 18 mart tarixində Cenublu.az “Palmali Holding”-ə instinadən xəbər verir. Təqaüd 2022-2023-cü ildə təhsil alacaq tələbələr üçün olacaqdır. 100 tələbəyə veriləcək təqaüd Təqaüd Komitəsi tərəfindən qiymətləndiriləcək. Tələbələrin seçilməsi aşağıdakı meyyarlara uyğun olaraq aparılacaq: Tədris ilindən bir il əvvəlki ili yüksək bal və dərəcə ilə bitirən tələbələr; Şəhid ailəsinin üzvləri olan tələbələr; Qarabağ müharibəsi veteranlarının ailəsindən olan tələbələr; Maddi vəziyyəti çətin olan tələbələr. Proqramda iştirak etmək istəyən tələbələr tələb olunan sənədləri [email protected] elektron poçtuna göndərməlidirlər. 

 

Qeyd edək ki, “Palmali”-nin yeni təqaüd proqramının qeydiyyat tarixi 2022-ci il aprel ayının 1-30 tarixləri arasında başlayacaq.

 

Vasif Əlihüseyn

Moderator.az

Əlaqədar Məqalələr

Bir cavab yazın

Sizin e-poçt ünvanınız dərc edilməyəcəkdir.

Back to top button