“ABŞ Putini əvəzləmək üçün kimə dəstək verə bilər?..”-Tofiq Zülfüqarov cavablandırır

“Hələ Rusiyada  Yelstinin liderliyi dövründə Putinin haradan peyda olması da qapalı mövzu idi və Qərbdə sual edilirdi: “who is mister Putin?”, yəni “Putin kimdir?”…”

 

Ukraynaya təcavüzün artıq 100-cü günə qədəm  qoyduğu bir şəraitdə bir sıra siyasi şərhçilər  yaxın vaxtlarda Rusiya lideri V.Putinin “ya zəlzələdən, ya vəlvələdən”  hakimiyyət sükanını buraxmağa məcbur olacağını bildirirlər. Bu mənada ABŞ prezidenti Co Baydenin “Nyu-York-Tayms” qəzetindəki  son məqaləsində  “Cənab Putinlə mən razı deyiləm və onun hərəkətlərini biabırçı hesab etməyimə rəğmən Birləşmiş Ştatlar və müttəfiqlərimiz onun Moskvada devrilməsinə cəhdlər göstərməyəcəyik” fikrinin, sadəcə, siyasi-diplomatik bir jest olduğunu və əslində Ağ Evin hazırkı Rusiya prezidentinin yerinə başqa bir siyasi fiquru görmək istədiyini bildirənlər də var.

Bəs görəsən, Ağ Ev hazırkı şəraitdə Rusiya elitasında, Kremldə konkret kimə “stavka” edə bilər?.. 

Mövzu ilə bağlı Moderator.az-a açıqlamasında  Azərbaycanın keçmiş xarici işlər naziri  Tofiq Zülfüqarov bəhs edilən sualı konkret və qısa cavablandırıb.

 

“ABŞ-ın, Qərbin Putini əvəzləmək üçün kimə,  Rusiya siyasi elitasındakı hansı fiqura dəstək verəcəyi hələ xeyli müddət görsənməyəcək, bilinməyəcək. Bu məsələdə açıqlığı gözləmək düzgün olmazdı. Məsələn, hələ Rusiyada  Yeltsinin liderliyi dövründə Putinin haradan peyda olması da qapalı mövzu idi. Hətta onun hakimiyyətə gəlişindən sonra da Qərbdə sual edilirdi: “who is mister Putin?”, yəni “Putin kimdir?”. Hesab edirəm ki, bu gün də belə məsələlər ictimaiyyətdən uzaq, qapalı bir şəkildə həllini tapacaq”- deyə sabiq baş diplomat bildirib.

 

Sultan Laçın

 

Moderator.az

Əlaqədar Məqalələr

Bir cavab yazın

Sizin e-poçt ünvanınız dərc edilməyəcəkdir.

Back to top button