Ukrayna ordusu Rusiya işğalçı qüvvələrinə 5 güclü zərbə endirdi…

Cənubda Ukrayna Silahlı Qüvvələri Rusiya işğalçılarının texnika və canlı qüvvə qruplaşmalarına beş güclü zərbə endirib. Ukraynalı müdafiəçilər müdafiə xəttini qorumaqda davam edirlər.

 

Moderator.az  yerli mediaya istinadla xəbər verir ki, bu barədə “Cənub” əməliyyat komandanlığı(ƏK) məlumat yayıb.

 

“Cənub” ƏK qeyd edib ki, xüsusilə, Snegiryevski, Krivoy Roq və Berislav bölgələrində işğalçıların mövqelərinə hücum edilib. Nəticələr daha sonra məlum olacaq.

 

“Ümumilikdə, ötən gün – iyunun 27-də Ukrayna hərbçiləri Xerson vilayətində cənub istiqamətində 18 işğalçını, “T-72” tankını, “Akasiya” qaubitsasını və səhra sursat anbarını məhv edib.

 

İşğalçılar Ukrayna Silahlı Qüvvələrinin əks-hücum əməliyyatı zamanı revanş götürməyə və itirilmiş mövqelərini geri almağa çalışıblar.

 

Düşmən ikiqat və tək helikopter zərbələri ilə Xerson bölgəsindəki Potyomkin, Plotnitski və Luparev bölgələrində itirilmiş mövqelərini geri qaytarmağa cəhd edib. Bölmələrimiz təslim olmayıb”, – deyə məlumatda bildirilir.

 

Sultan Laçın

Moderator.az

Əlaqədar Məqalələr

Bir cavab yazın

Sizin e-poçt ünvanınız dərc edilməyəcəkdir.

Back to top button