Qarabağa gəlmiş hayk milyarder “Forbes”ə planlarından danışdı…-Arvadı yəhudi imiş…

Hələlik  rəsmi Bakı Rusiya və Ermənistan vətəndaşı olan erməni milyarderin Azərbaycan ərazilərinə  qanunsuz səfəri azmış kimi, oradakı təxribatçı planlarını da bəyan etməsinə heç bir münasibət bildirməyib… 

Xəbər verdiyimiz kimi, Azərbaycan tərəfinin rəsmi icazəsi olmadan Qarabağdakı ərazilərimizə qanunsuz  səfər etmiş erməni əsilli Rusiya milyarderi Ruben Vardanyan sentyabrən 1-də öz telegram-kanalında yayımladığı və Xocavənddəki 2 mindən çox yaşı olduğu deyilən nəhəng çinarın fonunda yayımladığı video-müraciətdə Rusiya vətəndaşlığından imtina edərək Qarabağdakı hayklara köməyə gəldiyini bildirib. O,  Qarabağda, yəni Rusiya sülhməramlılarının nəzarəti altında olan Azərbaycan ərazilərində “Artsax təhlükəsizlik və inkişaf fondu”nu yaratdığını əlavə edərək bütün dünya haylarını “Artsax xalqı”na köməyə çağırıb.

Moderator.az xəbər verir ki, dünən – sentyabrın 5-də  Ruben Vardanyan “Forbes-ə müsahibə verib.

 

Erməni iş adamı müsahibəsində  Qarabağdakı “planları və vəzifələri haqqında” bəzi məqamları açıqlayıb.

 

“Elə bir vəziyyət yarana bilər ki, mən məcbur olub dövlət vəzifəsini qəbul etməyi düzgün hesab edim. Ermənistanda qanun dövlət qulluqçularının ikili vətəndaşlığı və xaricdə əmlak sahibi olmasını qadağan edir. Bundan əlavə, dövlət vəzifəsini tutmaq üçün ölkədə bir müddət yaşamalı və bu müddət ərzində başqa vətəndaşlığınız olmamalıdır”- deyə Vardanyan müsahibəsində bildirib.

 

“Qarabağda dövlət vəzifəsini tutmağı planlaşdırırsınızmı?” sualını isə R. Vardanyan belə cavablandırıb:

 

“Xeyr. Mən mənəvi baxımdan da daxil olmaqla, tam fəaliyyət azadlığına malik olmaq istəyirəm. Bütün hallarda Qarabağ hələ də tam hüquqlu müəyyən statusa malik olmayan bir ərazidir və bu münaqişə hekayəsində mən Rusiyanı təmsil etmək istəmirəm.

 

— Artsaxda əsas vəzifəniz kimi nələri görürsünüz?

 

-Qarabağda ölkənin və regionun təhlükəsizliyini gücləndirəcək güclü iqtisadiyyata və sosial institutlara malik uğurlu cəmiyyətin qurulması üçün şəraitin yaradılması. Və bu mənada mənim əsas funksiyam öz təcrübəmdən (həm idarəçilik, həm də maliyyə) və əlaqələrimdən, o cümlədən danışıqlar aparmağı bilən bir insan kimi imkanlarımdan istifadə etməkdir ki, son dərəcə çətin vəziyyət şəraitində dərin uzunmüddətli münaqişə nəticəsində minlərlə ildir ermənilərin Qarabağda yaşadığı torpaqlarını saxlaması üçün hər şeyi edim.  Eyni zamanda, ksenofobiya və qarşılıqlı nifrətə deyil, bir-birinin yanında yaşamağı öyrənmək istəyinə arxalanaraq, qonşularla münasibətlər qurmağın çətin yoluna başlamağa çalışacam. Mən həmişə birləşməsi mümkün olmayan şeyləri birləşdirən insan olmuşam. Mən müharibədə iştirak etməmişəm, döyüşməmişəm, bu mənada mənimlə ünsiyyət Qarabağda müharibə keçmiş insanlarla ünsiyyətdən daha asan ola bilər”- deyə erməni milyarder bildirib.

 

Bu arada bəzi erməni mənbələri Ruben Vardanyanın arvadının yəhudi olduğunu da bildirib…

 

Qeyd edək ki, R. Vardanyan  həm də “Troyka Dialoq” investisiya şirkətinin keçmiş sahibi olub. Moskvada yerləşən Skolkovo İdarəetmə Məktəbinin təsisçilərindən biridir.  Yeri gəlmişkən, 2006-cı ildə bu qurumun açılış mərasimində V.Putin də iştirak edib. Qərbyönümlü Rusiya saytlarının yaydığı məlumatlara görə, bir sıra Rusiya və xarici iş adamlarının, o cümlədən guya Putinin də  “çirkli” pullarının bir hissəsi məhz R.Vardanyanın “Troyka Dialoq” şirkətinin vasitəsi ilə yuyulur.

 

2011-ci ildən R.Vardanyan “Forbes” -ə görə Rusiyanın ən varlı adamları reytinqinə daxildir, 2020-ci ildə onun sərvəti 950 milyon ABŞ dolları dəyərində qiymətləndirilib.

 

Hələlik  rəsmi Bakı Rusiya və Ermənistan vətəndaşı olan erməni milyarderin Azərbaycan ərazilərinə  qanunsuz səfəri azmış kimi, oradakı təxribatçı planlarını da bəyan etməsinə heç bir münasibət bildirməyib… 

 

Sultan Laçın

Moderator.az

Əlaqədar Məqalələr

Bir cavab yazın

Sizin e-poçt ünvanınız dərc edilməyəcəkdir.

Back to top button