Qarabağda 300-dən çox cinayət törətmiş erməni separatçısı beynəlxalq axtarışa verilib.
Milli.Az Trend-ə istinadən bildirir ki, bunu Azərbaycanın Baş prokuroru Kamran Əliyev jurnalistlərə açıqlamasında deyib.
Onun sözlərinə görə, Qarabağ münaqişəsi başlayandan erməni separatçıları tərəfindən törədilən cinayətlərin hamısı qeydə alınıb:
“Bizim tərəfimizdən həmin cinayətlərlə bağlı sübutlar toplanıb. Ümumilikdə belə 300 cinayət işi açılıb. 300-dən çox cinayət törətmiş şəxs beynəlxalq axtarışa verilib. Həmin işlərlə bağlı kifayət qədər sübutlar var. Təqsirsizlik prizumsiyasını pozmaq istəmədiyim üçün bu barədə çox danışmaq istəmirəm. Lakin qısa zamanda bu barədə ictimaiyyətə məlumat veriləcək”.
Milli.Az
