“Azərbaycan idman tədbirlərində yüksək təşkilatçılıq göstəricilərinin qazanılmasına böyük töhfə verib”
Beynəlxalq Şahmat Federasiyası (FIDE) Azərbaycanın idman tədbirlərinin keçirilməsində yüksək təşkilatçılıq göstəricilərinin əldə edilməsinə verdiyi töhfəni yüksək qiymətləndirir.
Milli.Az Trend-ə istinadən xəbər verir ki, bunu bu gün FIDE prezidenti Arkadi Dvorkoviç Bakıda keçiriləcək şahmat üzrə dünya kuboku ilə bağlı mətbuat konfransında deyib.
“Azərbaycanda ilk dəfə deyil ki, beynəlxalq səviyyəli idman tədbirləri keçirilir. Azərbaycan artıq şahmat və bir sıra digər idman növləri üzrə dünya çempionatlarına uğurla ev sahibliyi edib. Qeyd etmək istərdim ki, onların hamısı yüksək səviyyədə keçirilib. Bu cür tədbirlərin təşkili böyük zəhmət tələb edir və biz Azərbaycanın belə yüksək təşkilatçılıq göstəricilərinə nail olmaq üçün verdiyi töhfəni yüksək qiymətləndiririk”, – FIDE prezidenti bildirib.
Qeyd edək ki, Dünya Kuboku iyulun 30-da başlayacaq və avqustun 25-dək davam edəcək.
Milli.Az
