Türkiyəli müğənni İbrahim Tatlısəs sərvətini açıqlayıb.
Milli.Az axşam.az-a istinadən bildirir ki, son zamanlar adı “Sərvəti heyrət doğuran məşhurlar” siyahısında çəkilən sənətçi yayılan məlumatları təkzib edib. Siyahının səhv olduğunu bildirən müğənni nə qədər var-dövlətə sahib olduğunu sosial şəbəkədə bölüşüb:
“Seyrantepedə 1.5 sot ərazisi olan kabab restoranı, televiziya binası, “Tatlıses Şirketler Grubu” binası, “By Tatlısesgiyim”in atelyesi və mağazası, “Demirciköy Alarko Sitesi”ndə bir villa, “Seyrantepe OYAK Sitesi”ndə üç ev, Şanlıurfada bir ev və 3 sot torpaq, “İzmir Narlıdere Folkart Evleri”ndə bir ev, “Hadımköy Günışığı Konakları”nda bir villa, 1 yaxta, 2 ədəd “Mercedes” marka avtomobil, 3 ədəd “Jeep”, 1 ədəd limuzin, 20 ədəd şirkət maşını, “Bodrum Bitez”də bir villa, 6.5 sotun içində 26 otaqlı “Golo Beach Hotel” və 6.5 sot torpaq sahəsi, “Kuşadası”nda 8 sot ərazisi olan 6 mərtəbəli “Tatlıses otel”, İstanbul”da 5 kabab restoranı, peyk kanalı və kabel televiziyasında olan kanal və Tempo TV.”
Milli.Az
