Bu yay izlənməsinə görə rekorda imza atan “Barbi” filminin qəhrəmanı Marqot Robbienin aldığı qonorar ortaya çıxıb.
Milli.Az axşam.az-a istinadən bildirir ki, insayderlər Robbinin 50 milyon dollar qazanacağını bildiriblər. Buraya Marqotun çəkiliş zamanı aldığı maaş və kassa faizi daxildir.
Rejissor Qreta Qerviq özü də qazanılan uğur və əldə edilən 1,18 milyard dollar üçün yaxşı qonorar əldə edəcək. Bundan əlavə Qerviq kassada bu qədər pul yığmağı bacaran ilk qadın rejissor statusunu alacaq.
Yeri gəlmişkən, “Barbi” belə rekord məbləğ toplaması ilə yanaşı, bir çox trendlərə də səbəb olub. Məsələn, TikTok-da getdikcə “Botox Barbie” gözəllik proseduru haqqında danışırlar. Çəhrayı kostyumlar isə brendlərin vitrinlərindən sürətlə tükənir.
Milli.Az
