Prezident Şuşanın Qarabağ küçəsində inşa olunacaq qeyri-yaşayış binasının təməlini qoyub – FOTO
![Prezident Şuşanın Qarabağ küçəsində inşa olunacaq qeyri-yaşayış binasının təməlini qoyub - FOTO](https://qazi.az/wp-content/uploads/2023/05/Prezident-Susanin-Qarabag-kucəsində-insa-olunacaq-qeyri-yasayis-binasinin-təməlini-qoyub.jpg)
Mayın 9-da Şuşa şəhərinin Qarabağ küçəsində inşa olunacaq qeyri-yaşayış binasının təməli qoyulub.
Milli.Az AZƏRTAC-a istinadən bildirir ki, əvvəlcə Azərbaycan Respublikasının Prezidenti İlham Əliyevə Qarabağ və Sadıqcan küçələrində görüləcək işlər barədə məlumat verildi.
Bildirildi ki, Qarabağ küçəsində inşa ediləcək yaşayış binasının ümumi sahəsi 5400 kvadratmetr olacaq. Dörd mərtəbədən və zirzəmi qatından ibarət binada yerləşəcək mənzillərdən 24-ü ikiotaqlı, 6-sı isə üçotaqlıdır. Qeyd edildi ki, ərazidə qeyri-yaşayış binası da inşa olunacaq. A və B korpuslarından, həmçinin ofis binasından ibarət həmin binanın ümumi sahəsi 5745 kvadratmetr nəzərdə tutulub. Binanın ikinci mərtəbəsində avtodayanacaq yerləşəcək.
Sonra dövlətimizin başçısı Qarabağ küçəsində inşa olunacaq qeyri-yaşayış binasının təməli qoydu.
Milli.Az