Naxçıvan Muxtar Respublikasında un kəskin ucuzlaşıb.
Milli.Az Trend-ə istinadən bildirir ki, buna səbəb muxtar respublikada un istehsalında yerli buğdadanın istifadəsinin artırılmasıdır.
Bildirilir ki, “Gəmiqaya Taxıl Məhsulları” MMC-yə bu günədək 5266 ton buğda qəbul edilib. Yerli buğdadan un istehsalının artması isə daxili bazarda unun qiymətinin növbəti dəfə aşağı düşməsinə səbəb olub.
Müəssisədə istehsal olunan unun qiyməti 27%-dən çox enib. Belə ki, 50 kiloqramlıqun qiyməti 37 manatdan 27 manata düşüb. Qiymətlərin aşağı düşməsi yerli unun satışına da müsbət təsir göstərib.
Müəssisədən verilən məlumata görə, son 20 gün ərzində 270 tona yaxın un satılıb.
Qeyd edək ki, bu ilin iyul ayında da unun qiymətində endirim olmuşdu. Daxili bazarda çörək istehsalçılarına 50 kiloqram unun 33-34 manata təklif olunduğu nəzərə alınaraq iyulun 17-dən 300 qramlıq çörəyin topdansatış qiymətinin 36 qəpiyə, pərakəndə satış qiyməti isə 40 qəpiyə endirilmişdi.
Milli.Az
