Kirayə mənzil bazarında qıtlıq pik həddə çatıb.
Milli.Az Xəzər TV-yə istinadən bildirir ki, əmlak eksperti Ülvü Əliyev deyir ki, vəziyyət o həddə çatıb ki, əşyalı və əşyasız evlərin arasında indi ciddi qiymət fərqi yoxdur. Onun sözlərinə görə, bir neçə il əvvələ qədər kirayəyə verilən əşyalı və əşyasız mənzillər arasında azı 40 faiz fərq olurdu. İndi isə bu fərq minimuma enib.
Reiltor Nicat Qəhrəmanzadə isə deyir ki, əşyasız evləri daha çox uzunmüddətli dövr üçün qalacaq şəxslər kirayələyir.
Ekspertlər vurğulayıb ki, bu gün faktiki olaraq paytaxtda kirayə mənzil tapmaq müşkül məsələdir. Bunun əsas səbəbi köhnə tikililərin sökülməsi və yeni dərs ili ərəfəsində tələbələrin kütləvi şəkildə paytaxta axın etməsidir.
Mövzu ilə bağlı daha ətraflı videomaterialı təqdim edir:
Milli.Az
