Gandjlik Mall ticarət mərkəzində Arts Council Azerbaijan təşkilatının təşəbbüsü ilə, Hindistanın Azərbaycandakı səfirliyi, Gandjlik Mall və God Bless Films dəstəyi ilə Ambassador Cultural Club layihəsi çərçivəsində “Hindistan” mövzusunda vorkşop təşkil olunub. Vorkşopun kuratoru Samirə Faizova.
“Hindistan” mövzusuna həsr olunmuş vorkşop on istedadlı rəssam Eldar Babazadə, Röya Həsənova, Kamila Muradova, Məryəm Kiblayeva, Leyla Oruceva, Nailə Aslanova, Leyla Muradova, Sevda Rüstəmova, Nuray Allahverdiyeva və Mələk Abbaszadə bu çoxşaxəli əsərin özlərinə məxsus tərzdə təqdim ediblər. Rəsmlər hind rəqsinin enerjisindən və milli geyimli ecaskar qızlardan tutmuş məşhur Tac Mahalın təsvirlərinə və dərin meditasiyaya qədər müxtəlif mövzuları əhatə edir. Rəssamlar hind filmlərindən, qədim şəhərlərdən, şahmat oyunundan və əzəmətli fillərdən motivləri də sənətə daxil ediblər. Perspektivlərin bu müxtəlifliyi Hindistanın mədəni irsi haqqında anlayışı zənginləşdirən maraqlı vizual təcrübə yaratdı.
Vorkşopda xüsusi qonağı olan Hindistan Səfiri hər bir əsərlə diqqətlə tanış olub, hər bir rəssamla müzakirə edərək, ölkənin mədəni sərvətlərinin dərk edilməsinə verdiyi misilsiz töhfəyə görə minnətdarlığını bildirmişdir. Səmimi söhbətə yekun vuran bütün iştirakçılar Hindistanın bədii əzəməti fonunda yaradıcılıq ilhamı və dostluq mübadiləsini əks etdirən xatirə şəkli çəkdirdilər.
Arts Council Azerbaijan-ın bu vorkşopu keçirməkdə əsas məqsədi gənc nəsildə incəsənətə marağı daha da artırmaq və Azərbaycan rəssamlarının yaradıcılığını təbliğ etməkdir.
İnformasiya dəstəyi – Trend.Az, Day.Az, Milli.Az, Azernews.Az
