SEPAH-dan ŞOK ETİRAF: “44 günlük müharibə zamanı İran Ermənistana dəstək verib”
Daim anti-Azərbaycan yazıları dərc edən SEPAH-a bağlı Bultan News (https://www.bultannews.com/) saytı yazır: “Mayın 30-31-də İsrail prezidenti İsaak Hersoq Azərbaycanda rəsmi səfərdə olub. Müşahidəçilər iki ölkə prezidentlərinin Bakıda görüşünün rəmzi xarakter daşıdığını vurğulayır – ikitərəfli əlaqələrin əsasını qoyan prezidentlər Heydər Əliyev və Heim Hersoqun oğulları. Səfərin ilk günündə İsaak Hersoq İlham Əliyevlə öncə təkbətək görüşüb, sonra iki ölkənin nümayəndə heyətlərinin iştirakı ilə geniş tərkibdə danışıqlar aparıb.
Son illərdə çox şey dəyişib; İsrail İbrahim paktını imzalayıb və bir sıra müsəlman ölkələri ilə əlaqələri bərpa edib, Türkiyə İsraillə diplomatik əlaqələrini canlandırıb.
Ermənistanla Azərbaycan arasında 44 günlük müharibədə İran Ermənistana dəstək verib və bu kontekstdə Bakı-Tehran münasibətləri Azərbaycanın Tehrandakı səfirliyinə hücuma qədər gərginləşib. Bu da İsrail- Azərbaycan siyasi əməkdaşlığını aktivləşdirib…”.
Milli.Az
