Azərbaycan və Pakistan arasında imzalanmış sənədlər iqtisadi əməkdaşlığı daha da genişləndirəcək.
Milli.Az bildirir ki, bunu Trend-ə Türkiyənin Pakistandakı “Turkish Aerospace” aerokosmik şirkətinin rəhbəri Məhəmməd Sohail Sacid deyib.
“Azərbaycan Prezidenti İlham Əliyevin Pakistana səfəri əməkdaşlıq üçün yeni imkanlar açacaq, ötən gün tərəflər arasında əvvəllər imzalanmış 15 sənəd mübadiləsi aparılıb, ümumilikdə ölkələrimiz arasında 30-a yaxın sənəd imzalanıb”, – o bildirib.
Sacid hesab edir ki, iki ölkə arasında iqtisadi əməkdaşlığın real potensialını açmaq lazımdır, istər ticarət və investisiyalar, enerji sektoru, xüsusən də ətraf mühitə investisiyalar, və turizm sahəsində.
“İndi bu səfərdən və bütün bu sənədlərin imzalanmasından sonra inanıram ki, Azərbaycan ilə Pakistan arasında əlaqələr daha da genişlənəcək”.
Milli.Az
Xəbərlərimizi WhatsApp kanalımızdan da oxuyun
