Xəbər verdiyimiz kimi, iyulun 14-ü Xaçmaz rayonu, Nabran qəsəbəsində yerləşən “El-Faro” istirahət mərkəzində bədbəxt hadisə baş verib. Belə ki, 12 yaşlı Böyükağa Həsənli həmin istirahət mərkəzində hovuzda çimərkən boğularaq ölüb.
Milli.Az xəbər verir ki, Baku TV sözügedən istirahət mərkəzinin direktoru ilə danışıb.
İstirahət mərkəzinin direktoru bildirib ki, hadisə baş verən gün yeniyetmə valideynləri ilə olub:
“Əgər uşaq gəlirsə, biz valideynlərinin öhdəlikləri barədə məlumat veririk. Onları xəbərdar edirik ki, hər hansı nəzarətdənkənar bir iş olarsa, valideyn məsuliyyət daşıyır. Bu barədə hazırda müvafiq orqanlar tərəfindən xüsusi araşdırmalar aparılır”.
Qeyd edək ki, yeniyetmənin meyiti aidiyyəti üzrə təhvil verilib və Quba şəhərindəki qəbiristanlıqda torpağa tapşırılıb.
Milli.Az
Xəbərlərimizi WhatsApp kanalımızdan da oxuyun
