Bakıda yeni tədris ili ilə bərabər sanki yeni “tıxaclar dövrü” başlayır. Təəssüflər olsun ki, növbəti “tıxaclar dövrü” vəziyyətin hər il əvvəlkindən daha gərgin olduğunu göstərir.
Bunu Trend-ə hüquqşünas, nəqliyyat məsələləri üzrə ekspert Ərşad Hüseynov deyib.
Məktəblərin qarşısında avtomobil saxlanılması məsələsinə münasibət bildirən Ə.Hüseynov qeyd edib ki, məktəblərin qarşısında da dayanma, durma və parklanma qaydaları var.
“Yəni hər yerdə olduğu kimi, məktəblərin də qarşısında dayanma durma qaydaları eynidir. Dayanma qadağandırsa, məktəblərin qarşısında maşın saxlamaq olmaz və buna riayət olunmalıdır.
Ümid edək ki, tıxaclarla bağlı vəziyyət bu il ötənilkindən pis olmayacaq. Burada sürücülər, valideynlər diqqətli olmalıdırlar. Uşaqlar məktəbə gedib gəlməlidir, tələbələr universitetə gedib gəlməlidir. Yaxşı olardı ki, mükəmməl ictimai nəqliyyat olsun və onlar ictimai nəqliyyatdan istifadə etsin”, – deyə o əlavə edib.
Milli.Az
Xəbərlərimizi WhatsApp kanalımızdan da oxuyun
