Son 20 ildə özəl sektorun ÜDM-də payı 83 faiz artıb.
Milli.Az Trend-ə istinadən bildirir ki, bu barədə bu gün iqtisadiyyat nazirinin müavini Sahib Məmmədov İslam Ticarət Sənaye və Kənd Təsərrüfatı Palatasının Direktorlar Şurasının Bakıda keçirilən 35-ci iclasında deyib.
S.Məmmədov bildirib ki, investisiyaların ölkəyə axını üçün əlverişli mühit yaradılıb. Azərbaycanda sosial-iqtisadi inkişafla bağlı bir çox nailiyyətlərə imza atılacaq.
Nazir müavini qeyd edib ki, ölkədə sosial-iqtisadi siyasətin uğurla həyata keçirilməsi üçün kifayət qədər əlverişli mexanizmlər var.
“Son 20 ildə özəl sektorun ÜDM-də payı 83 faiz təşkil edir. İqtisadi sahədə Azərbaycanın çox nailiyyətləri var. Biz də biznes mühitin genişləndirilməsi sahəsində səylərimizi əsirgəmirik”, – deyə vurğulayıb.
Nazir müavini qeyd edib ki, ötən illərdə İslam Ticarət, Sənaye və Kənd Təsərrüfatı Palatasına üzv olan ölkələrlə münasibətlərimiz daha da möhkəmlənib: “Müsəlman ölkələrinin potensialıni nəzərə alsaq, bu əməkdaşlığın daha da genişləndirilməsinə ehtiyac var. Ümumiyyətlə, müsəlman ölkələrinin Azərbaycana marağı artır”, – deyə S.Məmmədov əlavə edib.
Milli.Az
