“Azərbaycanda reytinqli verilişlər arasında ən az maaş alan aparıcılar biz idik. “Xəzər TV”də aparıcılıq edəndə ən az maaşı alırdıq” .
Milli.az xəbər verir ki, bu sözləri müğənnilər Sevil və Sevinc Səfərova “Xəbərin var?” verilişində deyib.
Sevincin sözlərinə görə, “Xəzər TV”də çalışanda onlar 400 manat maaş alıblar:
“Sonra 500, sonra 600, sonda isə 800 manat oldu. 4 il ərzində maaşımız 1000 manata çatdı” .
O, ATV-də çalışan zaman aldıqları qonorarı da açıqlayıb:
“Növbəti mövsümdə ən bahalı aparıcı olduq. ATV-də ən çox maaşı biz alırdıq. Hərəmizə 3 min manat verirdilər. İlk dönəmdə premya almırdıq. Sponsor faizi var: əgər sən reklam gətirirsənsə, ordan faiz alırsan. Amma “Xəzər TV”də belə qayda yox idi”.
Milli.Az
