Ölkə
Göldə batanları xilas etməyə çalışarkən ölən polis dəfn olundu
Naxçıvan Muxtar Respublikasının Babək rayonu ərazisində yerləşən Uzunoba gölündə batan şəxsləri xilas etməyə çalışarkən boğularaq ölən polis əməkdaşı Vüsal Quliyev dəfn edilib.
Milli.Az APA-ya istinadən bildirir ki, 1982-ci il təvəllüdlü polis serjantı Quliyev Vüsal Əbülfəz oğlu doğulduğu Babək rayon Cəhri kəndində torpağa tapşırılıb.
Dəfn mərasimində Naxçıvan Muxtar Respublikası Daxili İşlər naziri Süleyman Neymətov, nazirliyin əməkdaşları, eyni zamanda ictimaiyyət xadimləri və vətəndaşlar iştirak ediblər.
Milli.Az