Bu gün dünya düzənində Birləşmiş Ştatlardan bəhs edəndə daha çox etibarsız müttəfiq, tərəfdaş ölkələrə xəyanət edən dövlət kimi ağıllara gəlir. Bu da səbəbsiz deyil.
Milli.Az Xəzər TV-yə istinadən bildirir ki, ABŞ-ın xarici siyasəti əsas etibarı ilə məhz bu bəhs edilən mənfi məqamlar üzərində formalaşıb.
Millət vəkili Aydın Mirzəzadənin sözlərinə görə, ABŞ-ın nüfuzlu mətbu orqanında bir həftə ərzində antiazərbaycanla bağlı 3 məqalənin çap edilməsi bu addımın sifarişlə atılmasının bariz nümunəsidir.
“Vaşinqton Post”da Laçın yolu ilə bağlı ermənilərin tezislərinə uyğun məqalə yazmış Devid İqnatius milliyyətcə ermənidir, 2016-cı ildə qanunsuz olaraq Qarabağa səfər edib, Ruben Vardanyanın yaxın dostudur və hətta onun fondu tərəfindən mükafatlandırılıb.44 günlük müharibədən əvvəl də, sonra da Ermənistanın və Qarabağdakı separatçıların müdafiəsinə yönəlmiş yazılar və açıqlamalar yayıb.
Politoloq Tural İsmayılov isə qeyd edib ki, ABŞ-ın ideoloji tezisləri və xarici siyasət kursu hər zaman başqa ölkələrin daxilində hərc-mərcliyə və qarşıqlığa yönəlib.
ABŞ xarici siyasətinin məhz “etibarsız müttəfiq” prinsipi üzərində qurulduğunu müasir dövrdə Əfqanıstan, İraq, Liviya, Suriya və digər ölkələrdə cərəyan edən proseslər də təsdiqləyir
Ekspertlər hesab edir ki, bütün bunlar isə ABŞ-a müttəfiq kimi yanaşan ölkələri daha ehtiyyatlı davranmağa sövq etməlidir. Yəni, belə deyək ki, hər kəs “ABŞ-ın kəndiri ilə quyuya enməyin” təhlükəli olduğunu bilir.
“Çünki, ABŞ hər an o kəndiri əlindən quyuya buraxa bilər.”
Mövzu ilə bağlı daha ətraflı videomaterialı təqdim edirik:
Milli.Az
