Horadiz-Ağbənd dəmir yolu xəttinin 75-ci km-də inşa edilən qalereya dəmir yolunu dağlardan düşə biləcək qaya parçalarından mühafizə üçün layihələndirilib.
Milli.Az xəbər verir ki, bunu jurnalistlərə açıqlamasında “Azərbaycan Dəmir Yolları” QSC-nin ictimaiyyətlə əlaqələr şöbəsinin müdiri Sənubər Nəzərova bildirib.
Onun sözlərinə görə, qalereyanın uzunluğu 144 metrdir və tikilən qalereyanın qabariti gələcəkdə dəmir yolu xəttinin elektrikləşdirilməsi üçün də imkan verir.
“Qalereya svaylar üzərində layihələndirilib və onun konstruksiyası monolit dəmir-betondur. Sözügeden qalereya Azərbaycanın müstəqilliyi dövründə inşa olunan ilk dəmir yolu qalereyasıdır”, – deyə S.Nəzərova bildirib.
Milli.Az
Xəbərlərimizi WhatsApp kanalımızdan da oxuyun
