Azərbaycanda parlament seçkilərində seçicilər geniş seçim imkanlarına malik idilər – Sergey Xomenko
Azərbaycanda parlament seçkilərində seçicilər geniş seçim imkanlarına malik idilər.
Milli.Az Trend-ə istinadən xəbər verir ki, bu barədə Belarus Respublikası Milli Məclisinin Respublika Şurasının sədr müavini Sergey Xomenko brifinqdə bildirib.
O qeyd edib ki, müşahidə missiyası Füzuli, Şuşa və Ağdamda aparılıb.
“Azərbaycan Respublikasında seçicilərin geniş seçimi var idi. Parlamentdə 125 yer və bu vəzifələrin yerinə yetirilməsi üçün 990 namizəd var. Seçki Məcəlləsində heç bir məntəqədə pozuntular aşkar edilməyib”, – Xomenko bildirib.
O, həmçinin əlavə edib ki, seçki komissiyaları bu tədbirin hazırlanmasına yüksək məsuliyyətlə yanaşıb və Seçki Məcəlləsi çərçivəsində müəyyən edilmiş bütün qaydalara əməl ediblər.
Qeyd edək ki, sentyabrın 1-də Azərbaycanda növbədənkənar parlament seçkiləri keçirilib. Seçkiləri müşahidə etmək üçün 112 min 749 yerli müşahidəçi qeydə alınıb. Onlardan 65 mindən çoxu siyasi partiyaların nümayəndələridir. Qeydə alınmış beynəlxalq müşahidəçilərin sayı 598 nəfər olub ki, onlar 51 Təşkilatı, 69 ölkəni təmsil edib. Parlament seçkilərində qeydə alınan 990 namizəddən 305-i 25 siyasi partiyanın nümayəndəsidir. 371 nəfər siyasi partiyaların üzvü olmasına baxmayaraq, partiyalar tərəfindən namizəd olaraq irəli sürülməyiblər. Ümumilikdə 676 namizədin siyasi partiya mənsubiyyəti var.
Milli.Az
Xəbərlərimizi WhatsApp kanalımızdan da oxuyun
