Belarusun paytaxtı Minsk şəhərində keçirilən II MDB Oyunlarında ölkəmizi təmsil edən bədii gimnastika üzrə gənclərdən ibarət qrup hərəkətləri komandamız daha 2 bürünc medal qazanıb.
Trend Azərbaycan Gimnastika Federasiyasına istinadən xəbər verir ki, komandanın üzvləri Gövhər İbrahimova, Səkinəxanım İsmayılzadə, Mədinə Aslanova, İlahə Bahadırova, Ayan Sadıqova və Zəhra Cəfərova 5 topla hərəkətlərin və 5 iplə hərəkətlərin icrasında bürünc medala layiq görülüblər.
Xatırladaq ki, ötən gün komanda çoxnövçülükdə bürünc medal qazanıb.
Milli.Az
