Azərbaycan, Rusiya və Ermənistan xarici işlər nazirlərinin üçtərəfli görüşü keçirilir
Hazırda Moskvada Azərbaycan, Rusiya və Ermənistan xarici işlər nazirləri – Ceyhun Bayramov, Sergey Lavrov və Ararat Mirzoyanın üçtərəfli görüşü keçirilir.
Milli.Az Trend-ə istinadən xəbər verir ki, çərşənbə axşamı Rusiyanın xarici işlər naziri Sergey Lavrov Moskvanın Moskva Bakı ilə İrəvan arasında sülh sazişinin imzalanmasına hər cür kömək etməyə hazır olduğunu bildirib.
“Bugünkü görüşdən regionun ən mühüm məsələlərindən birinin – mən Cənubi Qafqazda uzunmüddətli sabitləşməni nəzərdə tuturam – həlli üçün istifadə etmək niyyətindəyik. Bunun ən qısa yolunun Rusiya, Azərbaycan və Ermənistan liderlərinin imzaladığı üçtərəfli bəyanatların bütün müddəalarının həyata keçirilməsi olduğundan əminik. Bir sıra əlavə sənədlər liderlərimiz tərəfindən nəzərdən keçirilmək üçün hazırlanır”, – o bildirib.
Azərbaycanın xarici işlər naziri Ceyhun Bayramov isə əlavə edib ki, Azərbaycanla Ermənistan arasında danışıqlar prosesinin dinamikası kifayət qədər yüksəkdir.
“Biz bu formatda sonuncu dəfə cəmi iki ay əvvəl görüşmüşük. O vaxtdan bəri liderlər, baş nazirin müavinləri səviyyəsində çoxlu sayda görüşlər, təmaslar olub. Xarici işlər nazirləri komandalar şəklində görüşüblər. Münaqişədən sonrakı Ermənistan-Azərbaycan nizamlanmasının müxtəlif istiqamətləri üzrə danışıqlar prosesinin dinamikası kifayət qədər yüksəkdir”, – deyə Bayramov bildirib.
O vurğulayıb ki, nəticələr danışıqlar prosesinin dinamikasından bir qədər aşağıdır, lakin ümumiyyətlə, müsbət məqamlar var.
“Hesab edirəm ki, bütün məsələlər üzrə fikir mübadiləsi də mümkün olacaq, lakin ənənəvi olaraq, bu formatda biz Ermənistan nümayəndə heyəti ilə bir qayda olaraq, sülh müqaviləsinin qalan maddələrinin müzakirəsinə daha çox diqqət yetiririk”, – deyə Bayramov qeyd edib.
Milli.Az
