Bakı Dənizkənarı Bulvarında bir neçə şəxsin qruplar səklində toplaşaraq pullu oyunlar təşkil ediblər.
Xezerxeber.az xəbər verir ki, oyun ondan ibarətdir ki, topu ataraq butulkanı kim bir atışa yıxmağı bacarsa, o qalib olur.
“Oyunun idarəedicisi isə qiymətin artdığını bildirərək oyunçular yığmağa çalışır. Bu oyunda əsas şirnikləndirilən qrup isə uşaqlardır.”
Maraqlı məqam budur ki, açıq şəkildə öz “biznes”lərini qurmuş bu şəxslərə kim şərait yaradıb?
Məsələ ilə əlaqədar Dənizkənarı Bulvar İdarəsinin mətbuat katibi Əfsanə Mehdiyeva “Xəzər Xəbər”ə bildirdi ki, Bulvar ərazisində hər hansı oyunların keçirilməsi qəti şəkildə qadağandır.
“Buna yol verən şəxs qanunamüvafiq cəzalandırılacaq.”
Əfsanə Mehdiyeva bildirdi ki, Bulvar İdarəsinin bu oyuna sərait yaratmasıyla bağlı sosial şəbəkələrdə səslənən iddialar əsassızdır.
DİN-in Mətbuat Xidmətinindən “Xəzər Xəbər”ə bildirdi ki, artıq polis əməkdaşları tərəfindən görülən tədbirlər nəticəsində qeyd edilən neqativ hal aradan qaldırılıb.
Həmin şəxs barəsində qanunamüvafiq tədbir görülüb.
Xezerxeber.az mövzu ilə bağlı daha ətraflı videomaterialı təqdim edir:
Milli.Az
