Bütün zamanların və xalqların ən gözəl aktrisalarının reytinqi dərc edilib.
Milli.Az oxu.az-a istinadən xəbər verir ki, siyahını “ListChallenges” portalı dərc edib.
İstifadəçilərin əksəriyyəti italyan model və aktrisa Monika Belluççiyə səs verib.
Ulduz sözügedən reytinqdə ötən əsrin 50-ci illərinin aktrisası Merilin Monronu, eləcə də Hollivud ulduzu Ancelina Colini geridə qoyub. Dördüncü yerdə 20-ci əsrin digər bir ulduzu Ceyn Mensfild qərarlaşıb. İlk beşliyi “Eramızdan milyon il əvvəl” filmi ilə tanınan Rakel Uelç tamamlayıb.
Qeyd edək ki, siyahıda Bricit Bardo, Qreys Kelli, Elizabet Teylor, Natali Portman da daxil olmaqla bir çox məşhurlar yer alıblar. Siyahıda ümumilikdə 100 ad var, aktrisa Helena Bonem Karter isə sonuncu yerdədir.
Milli.Az
Xəbərlərimizi WhatsApp kanalımızdan da oxuyun
