“The Sun” jurnalı dünyanın ən zəngin supermodellərinin reytinqini dərc edib.
Milli.Az axşam.az-a istinadən bildirir ki, ilk sırada 538 milyon dolar sərvəti ilə 60 yaşlı amerikalı model və aktrisa Keti Ayrlənd qərarlaşıb. 1984-cü ildən 1996-cı ilə qədər ard-arda “13 Sports Illustrated” jurnalının üz qabığında yer alan model sərvətini “Kathy Ireland Worldwide” marketinq şirkətini yaratmaqla qazanıb.
57 yaşlı Sindi Krouford və “Victoria’s Secret”in keçmiş mələyi 43 yaşlı Jizel Bündhen 399 milyon dollar sərvəti ilə ikinci sırada yer alıb.
198 milyon dolar sərvəti ilə Somali əsilli 68 yaşlı model İman adını siyahıya dördüncü sırada yazdırmağı bacarıb.
Beşinci yeri 50 yaşlı model və televiziya ulduzu Xaydi Klum 159 milyon dolar sərvətlə tutub. Onu 94 milyon dollar qazanancı ilə 59 yaşlı Elle Makferson izləyir. O, modelliklə yanaşı, aktrisalıq fəaliyyəti ilə də tanınıb.
Sonrakı sırada 49 yaşlı model və “America’s Next Top Model”in yaradıcısı Tayra Benks gəlir. Onun sərvəti 89 milyon dollar təşkil edir.
Səkkizinci sıranın sahibi 53 yaşlı Naomi Kempbell olub. Onun hesabında 79 milyon dollar pul var. 69 milyon dollarlıq qazanancı ilə 49 yaşlı Keyt Moss doqquzuncu ısraya adını yazdırıb.
Onuncu yerin sahibi isə 27 yaşlı Kendall Cennerdir. Onun sərvəti 56 milyon dollar olaraq qiymətləndirilir.
Milli.Az
