1-ci Qarabağ müharibəsini qanı bahasına lentə alan, erməni snayperinin açdığı atəşdən ölməyən hərbi jurnalist Ədil Arifoğlu bu səhər qəfildən vəfat edib.
Milli.Az bildirir ki, bu barədə informasiyanı Bizim.Media-ya açıqlamasında yazıçı Azər Qismət deyib.
O, hərbi jurnalistin ölümü haqda “Facebook” səhifəsində də yazıb və dünən çəkdiyi sonuncu fotosunu paylaşıb.
Qeyd edək ki, əslən İmişli rayonundan olan Ədil Arifoğlu uzun illər Azərbaycan Televiziya və Radio Verilişləri QSC-nin Hərbi vətənpərvərlik baş redaksiyasının baş rejissoru kimi çalışıb.
Ədil Arifoğlu həm Birinci, həm də İkinci Qarabağ müharibəsində hərbi jurnalist kimi iştirak edib, qızğın döyüşləri ön cəbhədən lentə alıb. 1994-cü ilin fevralında Füzulinin Seyidəhmədli kəndi istiqamətində gedən döyüşlərdə düşmən snayperinin açdığı atəşlə boğazından güllə yarası alsa da, möcüzə nəticəsində sağ qalıb. Mərhumun şəxsi arxivində Birinci Qarabağ Müharibəsinə aid 500 saatlıq videomateriallar var.
Milli.Az
Xəbərlərimizi WhatsApp kanalımızdan da oxuyun
