Əməkdar artist Elnarə Abdullayeva ilk dəfə qızı Xədicənin nişanlanmasından söz açıb.
Milli.Az bizim.media-ya istinadla xəbər verir ki, bu barədə o, “Rəngarəng səhər” verilişində danışıb.
Xanəndə övladının nişanlanması görüntülərinin sosial şəbəkələrdə, eləcə də sözügedən verilişdə yayınlanmasına etiraz edib:
“Qızım daha çox atasına bənzəyir. Övladımın şəkillərini burada göstərməyiniz xoşuma gəlmir. Sosial şəbəkələrdə də hər nə oldu, dərhal yazırlar. İşiniz-gücünüz yoxdur. Qohum olduğum insanlar, ailəm, övladlarım da bəxtəvərdirlər ki, mən varam. Çünki onların başını aşağa salacaq və xələl gətirəcək bir şey etməmişəm. O qədər şərəfli yol keçmişəm və sevə-sevə arxaya dönüb baxa bilirəm. İstəmirəm qızımın adı hallansın və ya görüntüləri yayılsın. Bunların qəti əleyhinəyəm”.
Qeyd edək ki, E.Abdullayevanın qızı Xədicə iyulun 11-də paytaxt restoranlarının birində Cavad adlı bəylə nişanlanıb. Elxan adlı bəylə ailəli olan Elnarənin bir qız və bir oğlan övladı var.
Milli.Az
