Bu, tarixi bir məqamdır, tikintini sürətləndirmək üçün gecə-gündüz işləyəcəyik.
Milli.Az axar.az-a istinadən bildirir ki, bu sözləri Azərbaycanın xalq artisti, iş adamı Emin Ağalarov Xəzərdə “Caspian Dream Liner” (Kaspian Drim Layner) otelinin tikinti ilə bağlı paylaşımında qeyd edib.
O bildirib ki, otelin təməli qurulur və tezliklə “Caspian Dream Liner” tikiləcək.
Qeyd edək ki, “Caspian Dream Liner” üç il ərzində “Sea Breeze Resort” kompleksinin ərazisində birbaşa dənizdə inşa ediləcək gəmi formasında yeni daşınmaz əmlak layihəsidir.
Dubaydakı “Bürc əl-Ərəb” otelinin analoqu adlandırılan layihənin ümumi sahəsi 60 min kvadratmetr olacaq. İş adamı tikintiyə sərmayələri 230-250 milyon dollar dəyərində qiymətləndirir.
Milli.Az
Xəbərlərimizi WhatsApp kanalımızdan da oxuyun
