Ermənistanın üçüncü dövlətlər tərəfindən sürətlə silahlandırılması narahatlıq doğur.
Milli.Az xəbər verir ki, bunu Azərbaycanın xarici işlər naziri Ceyhun Bayramov Türkiyənin xarici işlər naziri Hakan Fidanla birgə keçirdiyi mətbuat konfransında deyib.
“Ermənistanın üçüncü dövlətlər tərəfindən sürətlə silahlandırılmasının narahatlıq doğurur. Biz hesab edirik ki, bu, yanlış siyasətdir və region üçün əlavə təhdid mənbəyi kimi qəbul edilməlidir.
Bütün bu prosesləri biz də izləyirik, bu məsələdə Azərbaycan və Türkiyə arasında koordinasiya var. Bunlar qarşılıqlı dəstək, strateji tərəfdaşlıq və müttəfiqlik münasibətləridir. Biz inanırıq ki, ölkələrimizin bu siyasəti regiona sülh, təhlükəsizlik və sabitlik gətirəcək”.
Qeyd edək ki, C.Bayramov Ankarada işgüzar səfərdədir.
Milli.Az
Xəbərlərimizi WhatsApp kanalımızdan da oxuyun
