Ermənistan silahlı qüvvələrinin bölmələri yenə Azərbaycanın Laçın rayonu istiqamətində əlavə qüvvə və hərbi texnika toplayır.
Milli.Az Xəzər TV-yə istinadən bildirir ki, texniki müşahidə vasitəsilə lentə alınan videoda aydın görünür ki, Ermənistan ordusuna məxsus olan və artilleriya qurğuları daşıyan dörd “KamAZ” markalı hərbi maşın, həmçinin, döyüş sursatları daşıyan iki “KamAZ” markalı avtomobil şəxsi heyətlə birgə kolon şəklində hərəkət edir.
Əslində Vətən müharibəsindən sonra keçən dövr ərzində Ermənistan silahlı qüvvələri şərti sərhəddə bir neçə dəfə təxribat törədib.
“Məğlub olmuş Ermənistanın niyyəti nədir?”
Millət vəkili Musa Qasımlı bildirir ki, humanitar yardım teatrının ortaya atılmasında da məqsəd yekunda hərbi təxribatı törətmək idi. Ermənistan humantar yardım adı ilə bir növ dünya ictimaiyyətinin diqqətini başqa istiqamətə yayındırmaq istəyirdi.
Bununla rəsmi İrəvan ərazilərimizə hücum üçün zəmin hazırlamaq istəyir. Yəni bu ölkənin sülh danışıqlarından yan keçməsi açıq-aydın şəkildə görünür.
Millət vəkili onu da əlavə edib ki Ermənistan müharibəyə hazırlaşır amma burada səhv edirlər çünki, Azərbaycan müharibə dövründəkindən də qat-qat güclüdür.
“Heç kim də gəlib Ermənistan üçün bu ərazilərdə doyüşməyəcək.”
Xezerxeber.az mövzu ilə bağlı daha ətraflı videomaterialı təqdim edir:
Milli.Az
