“Səhər tezdən işə getmək məqsədilə evdən çıxdım, açarla qapını bağladım. Axşam evə qonaq çağırmışdım. Gəldim gördüm ki, qonaq nədir, heç özüm evə girə bilmirəm”.
Milli.Az REAL TV-yə istinadən xəbər verir ki, Bakı sakini, şikayətçi Tural Məhərrəmov evinin darvazasının oğurlandığını deyib.
“Darvazamı söküb aparıblar, oğurlayıblar, yerində başqa bir darvaza qoyulub, açarla bağlanıb. Bir həftədən çoxdur mən bu evə girə bilmirəm. Əşyalarım, hər şeyim orada qalıb”, – deyə o qeyd edib.
Film kimi hadisə Bakının Sabunçu rayonu Kürdəxanı qəsəbəsinin Ləhiş bağları adlanan massivində baş verib.
Milli.Az
Xəbərlərimizi WhatsApp kanalımızdan da oxuyun
