Azərbaycan Prezidenti İlham Əliyev Qoşulmama Hərəkatının Əlaqələndirmə Bürosunun Nazirlər görüşündə çıxışı zamanı bir sıra mühüm məsələlərə toxundu. Dövlət başçısı eyni zamanda Fransanın müstəmləkəçilik siyasəti haqqında söz açdı və Fransanın müxtəlif ölkələrdə törətdiyi soyqırımlardan danışdı.
Məsələ ilə bağlı Trend-ə açıqlama verən Milli Məclisin deputatı Ceyhun Məmmədov bildirib ki, Prezidentin Fransanın siyasəti ifşa edən növbəti çıxışının şahidi olduq.
“Cənab Prezident Fransanı sərt formada tənqid etdi və bu tənqidlərin də ciddi əsasları var. Tarixə baxanda görürük Fransanın əli milyonlarla insanın qanına batıb. Çoxlu sayda əlcəzairlinin qətlə yetirməsində Fransa iştirak edib. Bu günə qədər də qətlə yetirdikləri insanların sümüklərini muzeydə saxlayırlar. Fransa özünün islamafob siyasətini davam etdirir”, – deyə o əlavə edib.
Geniş videomüsahibəni təqdim edirik:
Milli.Az
