Xəbər verdiyimiz kimi, “Dostlar” serialının ulduzu Metyu Perri vəfat edib.
Milli.Az axşam.az-a istinadən bildirir ki, 55 yaşlı aktyorun cansız bədəni bir neçə gün əvvəl Kaliforniyadakı evinin cakuzisində tapılıb.
Cəsəd üzərində araşdırma aparan patoloqlar sənətçinin qanında fentanil və ya metamfetamin olmadığını bildiriblər.
Bununla belə, orqanizmin toksikoloji tədqiqatları davam edəcək və daha ətraflı nəticələr dörd-altı aydan sonra məlum olacaq. Daha sonra aktyorun ölümünün dəqiq səbəbi açıqlanacaq.
Qeyd edək ki, “Tələsmə – insanları güldürəcəksən”, “Dələduzlar”, “İkinci tanqo”, “Doqquz yard” kimi məşhur filmlərdə də rol alan aktyor “Qızıl qlobus” və “Emmi” mükafatlarına layiq görülüb.
Milli.Az
