Bu gündən müəllimlərin işə qəbulu üzrə elektron sənəd qəbuluna start verilib.
Milli.Az Xəzər TV-yə istinadən bildirir ki, bu mərhələ may ayının 30-na kimi davam edəcək.
Bu il imtahanlarda bir çox yeniliklərin olması gözlənilir. Yeniliklərdən biri test imtahanlarının vaxtı ilə bağlı olacaq. Belə ki, imtahanların vaxtı uzadılır.
Test mərhələsi ilə bağlı məlumatlar isə eleketron ərizələrin emalı başa çatdıqdan sonra namizədlərin şəxsi səhifələrinə göndəriləcək. Həmçinin prosesdə hazırda ümumtəhsil müəssisələrində 3 ildən artıq vaxtda müddətsiz əmək müqaviləsi ilə çalışan müəllimlər də iştirak edə bilərlər. İmtahanda 60 sual təqdim olunacaq və maksimal bal nisbəti 100 bal olaraq məyyənləşdirilib.
Bu il üçün ilk araşdırma zamanı vakant yerlərin hansı ixtisaslarda daha çox olması da bəlli olub. Amma bu fənlərin yenidən dəyişə bilməsi ehtimalı var.
Qeyd edək ki, müəllimlərin işə qəbulu ümumilikdə 4 mərhələdə aparılacaq.
Sənəd qəbulu miq.edu.az saytı vasitəsi ilə həyata keçiriləcək. Daha sonra məlumatların yoxlanılması, test və müsahibə mərhələləri baş tutacaq.
Mövzu ilə bağlı daha ətraflı videomaterialı təqdim edir:
Milli.Az
