“Qalatasaray”ın ulduzu Mauro İkardi ilə boşanma prosesində olan Wanda Nara İkardinin 77 milyon avroluq sərvətinin ən azı 38,5 milyon avrosunun ona aliment kimi verilməsini tələb edir.
Milli.Az argentina mətbuatına istinadən xəbər verir ki, boşanma prosesi zamanı Wanda və İkardi sərvətlərini bərabər şəkildə bölüşməli olacaqlar. İkilinin var-dövləti belə qiymətləndirilib:
3 milyon avro İkardinin Sampdoriyada oynadığı vaxtdan qalan qazancıdır.
30 milyon avro onun “İnter”də oynadığı vaxtdan qalan qazancıdır.
PSJ-yə transferdən 20 milyon avro gəlir əldə edib.
Onların üç malikanəsi var: İtaliyada, Argentinada və Parisdə. Ümumilikdə təxminən 10 milyon avro dəyərindədir.
1 milyon avro ətrafında üç lüks avtomobil.
İkardinin illik maaşı isə hazırda oynadığı “Qalatasaray”dan 10 milyon avroya yaxındır.
İkilinin bu günə qədər sərvətlərinin 77 milyon avro civarında olduğu təxmin edilir. İddialara görə, Vanda İkardini tərk etmək üçün ən azı 38,5 milyon avro istəyir.
Fidan
Milli.Az
