Müğənni Natavan Həbibi keçmiş həyat yoldaşı Dado ləqəbi ilə şou-biznesdə məşhurlaşan repçi Səid Əliyev və oğulları Zeydlə bağlı diqqət çəkən paylaşım edib.
Milli.Az bizim media-ya istinadla xəbər verir ki, sənətçi keçmiş ərinin övladı ilə oynayaraq, ona nəvaziş göstərməsini çəkərək sosial şəbəkə hesabında izləyiciləri ilə bölüşüb.
Diqqət çəkən məqam isə Natavanın Dado ilə yenidən bir araya gəlməsi olub.
Qeyd edək ki, bir müddət əvvəl Dado “Natavanla münasibətim yaxşıdır. Uşağımın anası da, anasının bacısı da övladımı padişah balası kimi böyüdüb saxlayırlar. Arada aramızda sıxıntılar oldu, sonra bir-birimizi başa düşdük.
Natavanla mənim münasibətimdə üçüncü şəxslərin müdaxiləsi vardı. Sonda başa düşdük ki, evlənmək bizim kimi insanlar üçün deyil” açıqlamasını vermişdi.
Daha əvvəl isə Natavan Həbibi həyat yoldaşı ilə bir araya gəlib boşana bilmədiyini demişdi.
Milli.Az
