Bakı Təşəbbüs Qrupu artıq rəsmi fəaliyyətə başladı.
Milli.Az Trend-ə istinadən xəbər verir ki, bu barədə Bakı Təşəbbüs Qrupunun icraçı direktoru Abbas Abbasov jurnalistlərə açıqlamasında deyib.
“Neokoloniolizmə qarşı mübarizəmiz davam edəcək. Qoşulmama Hərəkatında Azərbaycan sədrliyi yekunlaşmaq üzrədir. Bundan sonra koloniolizmə qarşı mübarizəni Bakı Təşəbbüs Qrupu aparacaq. Qərargah olaraq dünyanın müxtəlif yerlərində müstəmləkəçiliyə qarşı əməkdaşlıqlar edəcəyik”,- deyə o əlavə edib.
Qeyd edək ki, dünən Bakıda Bakı Təşəbbüs Qrupunun təşkilatçılığı ilə “Neokolonizalizm: İnsan Hüquqlarının Pozulması və Ədalətsizlik” adlı beynəlxalq konfrans öz işinə başlayıb. Konfransda 14 ölkədən, eləcə də, Fransanın müstəmləkə altında saxladığı dənizaşırı ərazilərinin (Yeni Kaledoniya, Fransız Polineziyası, Fransız Qvianası, Martinika və Qvadelupa), həmçinin, Korsika təmsilçiləri də iştirak edib.
Bakı Təşəbbüs Qrupu (BTQ) Azərbaycan Respublikasının sədrlik etdiyi Qoşulmama Hərəkatının Əlaqələndirmə Bürosunun nazirlər toplantısı çərçivəsində 6 iyul 2023-cü ildə Bakıda “Müstəmləkəçiliyin tamamilə aradan qaldırılmasına doğru” adlı konfransın iştirakçıları tərəfindən yaradılıb.
BTQ XXI əsrdə hələ də müstəmləkəçilikdən əziyyət çəkən dünyanın müxtəlif bölgələrində yerləşən xalqların azadlıq uğrunda apardıqları mübarizəyə dəstək verir.
Milli.Az
