Oğuzda baş verən qəzada bir ailənin 4 üzvü xəsarət alıb.
Milli.Az qafqazinfo-ya istinadən xəbər verir ki, hadisə Kərimli-Oğuz-Şəki avtomobil yolunun rayonun Yaqublu kəndi ərazisindən keçən hissəsində baş verib.
Belə ki, hərəkətdə olan “Chevrolet” markalı avtomobil yoldan çıxaraq aşıb. Nəticədə bir ailənin 4 üzvü, Bakı şəhər sakinləri – 1988-ci il təvəllüdlü Şirinov Kəbirağa Elbrus oğlu, 1993-cü il təvəllüdlü Şirinova Sevda Şəmşid qızı, 2013-cü il təvəllüdlü Şirinov Elbrus Kəbirağa oğlu və 2012-ci il təvəllüdlü Şirinov Hüseyn Kəbirağa oğlu müxtəlif dərəcəli bədən xasarətləri alaraq Oğuz Rayon Mərkəzi Xəstəxanasına yərləşdiriliblər.
Faktla bağlı araşdırma aparılır.
Milli.Az
