“Ömrü” iki günlük olan körpünün vəziyyəti nə yerdədir?
!["Ömrü" iki günlük olan körpünün vəziyyəti nə yerdədir?](https://qazi.az/wp-content/uploads/2023/10/Omru-iki-gunluk-olan-korpunun-vəziyyəti-nə-yerdədir.jpg)
Son günlər cənub bölgəsində yağan aramsız intensiv yağışlar Astara rayonunun Şiyəkəran kəndində yeni salınan piyada körpüsünü dağıdıb. Bir müddət əvvəl körpünü sel aparıb. Bundan sonra əraziyə ağır texnikalar cəlb olunub, köhnə körpü tamamilə sökülüb, yerində yeni piyada körpüsü salınıb. Lakin yeni salınan körpünün “ömrü” cəmi iki gün çəkib.
“Ömrü” iki günlük olan piyada körpüsünün hazırda vəziyyəti nə yerdədir?
Milli.Az Trend-ə istinadən bildirir ki, məsələ ilə bağlı Astara Rayon İcra Hakimiyyəti başçısının birinci müavini Allahverən Mahmudov bildirib ki, uçan piyada körpüsünün bərpası bu gün tamamlanacaq.
O qeyd edib ki, yeni avtomobil körpüsünün layihəsi hazırlanıb və razılaşdırılmağa verilib.
“Lakin Təngərüd kəndindən Şiyəkəran kəndinə avtomobil yolu var”, – deyə A. Mahmudov əlavə edib.
Qeyd edək ki, bir neçə gün bundan öncə yağan intensiv yağışlar Astara rayonunun Şiyəkəran kəndində yeni salınan piyada körpüsünün dağılmasına səbəb olub.
Milli.Az