“Pərişahın mahnısı” ilə sosial şəbəkənin ulduzuna çevrilən Nuray AzTV-də
Son günlər sosial şəbəkələrdə dahi bəstəkar Fikrət Əmirovun “Böyük dayaq” filmində “Pərişahın mahnısı” kimi tanınan nəğməni ifa edərək məşhurlaşan Nuray Şahsuvarlı AzTV-nin canlı efirinə çıxıb.
Milli.Az bizim.media-ya istinadən bildriir ki, qızcığaz “Gün başladı” verilişində canlı ifası ilə qonaqları təəccübləndirib.
10 yaşlı Nuray bildirib ki, o Sumqayıtda Bülbül adına 2 nömrəli Musiqili Məktəb Liseyində təhsil alır:
“Orta məktəbdə altıncı sinifə keçmişəm. Musiqi məktəbdə isə beşinci sinifə keçmişəm”.
N.Şahsuvarlı, həmçinin əlavə edib ki, sosial şəbəkələrdə trendə çevrilən ifasını rəsm çəkən zaman edib. Qızcığaz daha sonra yenidən “Pərişahın mahnısı” və “Azərbaycan maralı” mahnılarını canlı səsləndirib.
Milli.Az