Türkiyə “Qalatasaray”ı İngiltərənin “Tottenhem” klubunun futbolçusu Davinson Sançesi transfer etmək istəyir.
Milli.Az report-a istinadən xəbər verir ki, bu barədə italiyalı jurnalist Fabritsio Romano özünün tviter səhifəsində paylaşım edib.
Onun sözlərinə görə, İstanbul təmsilçisi kolumbiyalı müdafiəçi üçün londonlulara 9 milyon avro dəyərində təklif göndərib.
28 yaşlı oyunçunun xidmətində “Cim-Bom”la yanaşı, Avropanın bir neçə komandası da maraqlıdır. Karyerası ilə bağlı yekun qərarı futbolçunun özü verəcək.
Qeyd edək ki, Davinson Sançes bu mövsüm “Tottenhem”in heyətində 24 oyun keçirib. Onun klubu ilə 2024-cü ilin iyununadək müqaviləsi var.
Milli.Az
