“Əl-Nəsr”in futbolçusu Kriştiano Ronaldo Ərəb Çempionlarının Klublar Kubokunda “Əl-Şəbab”la görüşdən (0:0) sonra etdiyi hərəkətlərlə gündəmə gəlib.
Milli.Az qafqazinfo-ya istinadən xəbər verir ki, o, 62-ci dəqiqədə meydana daxil olub və qapıya cəmi 1 zərbə vurub. Ronaldo “Əl Nəsr”də keçirdiyi son 5 oyunda qol vurmayıb.
Final fitindən sonra Ronaldo insident yaradıb. Kamera Kriştianonun operatorun üzərinə su sıçratdığını, operatorun onu uzun müddət lentə aldığını çəkib. Həmin vaxt hücumçu əli ilə operatora getməli olduğunu göstərib. Bundan sonra təəccüblənən işçi portuqaliyalının yanından uzaqlaşıb.
Milli.Az
