Bir neçə gün əvvəl Qəbələ rayonunda yerləşən zavodlardan birinin ərazisində hər birinin gücü 150 kVt/saat olmaqla, 3 ədəd Günəş Elektrik Stansiyasının təqdimatı keçirilib. Bu da tək paytaxt Bakı deyil, bölgələrimizdə də “yaşıl enerji”yə keçidin sürətləndiyinin əyani sübutudur.
Milli.Az bildirir ki, Trend Qəbələ rayonunun “yaşıl enerji” potensialını araşdırıb.
Qəbələdə “yaşıl enerji” sahəsində müxtəlif təşəbbüslər və layihələr həyata keçirilir. Azərbaycanın bu bölgəsi coğrafi şəraiti və təbii resursları ilə “yaşıl enerji” istehsalı üçün əlverişlidir. Bu enerji növlərinə günəş, külək və hidroenerji daxildir.
Rayonda günəş enerjisindən istifadə potensialı yüksəkdir. Günəş panelləri quraşdırmaqla, bölgədə günəş enerjisindən səmərəli şəkildə yararlanmaq mümkündür. Bu, enerji istehsalını artırmaqla yanaşı, ekoloji təmiz enerjinin əldə ediməsini təmin edir.
Külək turbinləri quraşdıraraq, bölgədəki külək enerjisindən istifadə etmək olar. Bu, enerjinin təmiz və bərpa olunan mənbəyidir.
Qəbələdə çaylar və su resursları olduğundan hidroenerji istehsalı da mümkün ola bilər. Su gücündən istifadə edərək, enerji istehsalı bölgənin enerji tələbatını qarşılamaqda kömək edə bilər.
Bu təşəbbüslər, həmçinin, bölgənin iqtisadiyyatını inkişaf etdirir və ətraf mühitin qorunmasına kömək edir. Azərbaycanda “yaşıl enerji”nin inkişafı üçün dövlət və özəl sektorun əməkdaşlığı, investisiyalar və texnologiya transferi önəmlidir.
Milli.Az
Xəbərlərimizi WhatsApp kanalımızdan da oxuyun
