Qardaş Türkiyənin dünyaca məşhur “Hürriyet” qəzeti qondarma erməni soyqırımı ətrafında erməni lobbisinin fəaliyyəti, Ermənistanın bugünkü durumu və bu məsələ ətrafında aparılan manipulyasiyalara toxunub. Müəllif yazır ki, “təəssüflər olsun ki, nəsildən-nəsilə, sanki heç vaxt bitməyən bir səylə Fransa və ABŞ-dakı erməni diasporası bir əsr əvvəlki iztirabları əbədiləşdirməyi və iztirabların kütləvi formaya çevrilməsi üçün səylərini davam etdirməyi seçib. Bununla da nüfuzlu olduğu ölkələrin parlamentlərinə də təsir edir və Türkiyənin digər dövlətlərlə münasibətlərini zəhərləyir”.
ABŞ prezidenti Co Baydenin qondarma soyqırımını tanımasına toxunan müəllif “Bayden erməni lobbisinin hər il siyasi məqsədlərlə, daha doğrusu erməni və yunan seçicilərdən qidalanan Nümayəndələr Palatasının və ABŞ Konqresinin üzvlərini sevindirmək üçün “erməni soyqırımı” ifadəsini təkrar istifadə edib” yazıb. Əlavə edib ki, Türkiyədən də bu cəfəngiyyatın cavabı gecikməyib. Xarici işlər naziri Mövlud Çavuşoğlu Twitter hesabında “Tarixi təhrif etməyə çalışan siyasi şarlatanlar yenidən səhnəddədir! Tarixi siyasi bəyanatlarla yenidən yazmaq olmaz. Bu rəftarda israrlı olan fürsətçilər gizli niyyətləri və ikiüzlülükləri ilə yadda qalacaqlar. Böyük türk millətinə tarix dərsi vermək heç kimin yeri deyil” deyə qəzet nazirin sözlərini sitat gətirib.
Diaspor varlıq səbəbini Türkiyəyə qarşı düşmənçilik üzərində qurub, kin və kindən başqa bir şey görmür. O, demək olar ki, məhbusdur”.
Materialda ən maraqlı fikir bugünkü Ermənistanın mövcud durumu ilə bağlı səslənən fikirlərdir. “Amma Ermənistan acdır. Yazıq… İşsizlik pik həddindədir. Diaspora enerjisini Ermənistanın inkişafına sərf etmək əvəzinə, nəsildən-nəsilə nifrət hissi aşılayır. Türkiyənin nə Ermənistanla, nə də diasporla problemi var. Türkiyədən gələn ermənilər öz dinlərini sərbəst şəkildə etiqad edirlər. O, vətəndaşlıq hüquqlarından istifadə edir. Qeydlərə görə, Türkiyədə 400 minə yaxın erməni qeyri-qanuni işləyir. Gələcəyə düşmənçilik yox, sülh gətirək” deyə müəllif fikrini tamamlayıb.
Azər Nuriyev
Milli.Az
